||Sundarakanda ||
|| Sarga 65||( Slokas in English )
हरिः ओम्
Sloka Text in Telugu , Kannada, Gujarati, Devanagari, English
sundarakāṇḍa.
atha paṁcaṣaṣṭitamassargaḥ||
tataḥ prasravaṇaṁ śailaṁ tē gatvā citrakānanam|
praṇamya śirasā rāmaṁ lakṣmaṇaṁ ca mahābalam||1||
yuvarājaṁ puraskr̥tya sugrīva mabhivādya ca|
pravr̥tti matha sītāyāḥ pravaktumupacakramē||2||
rāvaṇāṁtaḥ purē rōdhaṁ rākṣasībhiśca tarjanam|
rāmē samanurāgaṁ ca yaścāyaṁ samayaḥ kr̥taḥ||3||
ētadākhyāṁti tē sarvē harayō rāmasannidhau|
vaidēhīmakṣatāṁ śrutvā rāmastūttaramabravīt||4||
kva sītā vartatē dēvī kathaṁ ca mayi vartatē|
ētanmē sarva mākhyātaṁ vaidēhīṁ prati vānara||5||
rāmasya gaditaṁ śrutvā harayō rāmasannidhau|
cōdayaṁti hanūmaṁtaṁ sītāvr̥ttāṁta kōvidam||6||
śrutvā tu vacanaṁ tēṣāṁ hanumān mārutātmajaḥ|
praṇamya śirasā dēvyai sītāyai tāṁ diśaṁ prati||7||
uvāca vākyaṁ vākyajñaḥ sītāyā darśanaṁ yathā|
samudraṁ laṁghayitvā'haṁ śatayōjanamāyatam||8||
agacchaṁ jānakīṁ sītāṁ mārgamāṇō didr̥kṣayā|
tatra laṁkēti nagarī rāvaṇasya durātmanaḥ||9||
dakṣiṇasya samudrasya tīrē vasati dakṣiṇē |
tatra dr̥ṣṭā mayā sītā rāvaṇāṁtaḥ purē satī||10||
sannyasya tvayi jīvaṁtī rāmā rāmamanōharam|
dr̥ṣṭā mē rākṣasī madhyē tarjyamānā muhurmuhuḥ||11||
rākṣasībhirvirūpābhī rakṣitā pramadāvanē|
duḥkhamāsādyatē dēvī tathā'duḥkhōcitā satī||12||
rāvaṇāṁtaḥ purē ruddhā rākṣasībhiḥ surakṣitā|
ēkavēṇīdharā dīnā tvayi ciṁtāparāyaṇā||13||
athaśśayā vivarṇāṁgī padminīva himāgamē|
rāvaṇādvinivr̥ttārthā martavya kr̥taniścayā||14||
dēvī kathaṁcit kākut-stha tvanmanā mārgitā mayā|
ikṣvāku vaṁśa vikhyātiṁ śanaiḥ kīrtayatānaghā||15||
sa mayā naraśārdūla viśvāsamupapāditā|
tataḥ saṁbhāṣitā dēvī sarvamarthaṁ ca darśitā||16||
rāmasugrīvasakhyaṁ ca śrutvā prītimupāgatā|
niyatassamudācārō bhaktiścāsyāstathā tvayi||17||
ēvaṁ mayā mahābhāgā dr̥ṣṭā janaka naṁdinī|
ugrēṇa tapasā yuktā tvadbhaktyā puruṣarṣabha||18||
abhijñānaṁ ca mē dattaṁ yathāvr̥ttaṁ tavāṁtikē|
citrakūṭē mahāprājña vāyasaṁ prati rāghava||19||
vijñāpyaśca naravyāghrō rāmō vāyusuta tvayā|
akhilēnēha yaddr̥ṣṭam iti māṁ āha jānakī||20||
ayaṁ cāsmai pradātavyō yatnāt suparirakṣitaḥ|
bruvatā vacanā nyēvaṁ sugrīva syōpaśr̥ṇvataḥ||21||
ēṣa cūḍāmaṇiḥ śrīmān mayā suparirakṣitaḥ|
manaśśilāyāḥ tilakam gaṇḍapārśvē vivēśitaḥ ||22||
tvayā praṇaṣṭē tilakē taṁ kila smartumarhasi|
ēṣa niryātitaḥ śrīmān mayā tē vārisaṁbhavaḥ||23||
ētaṁ dr̥ṣṭvā pramōdiṣyē vyasanē tvā mivānagha|
jīvitaṁ dhārayiṣyāmi māsaṁ daśarathātmaja||24|
ūrdhvaṁ māsānna jīvēyaṁ rakṣasāṁ vaśamāgatā|
iti māmabravīt sītā kr̥śāṁgī dharmacāriṇī||25||
rāvaṇāṁtaḥ purē ruddhā mr̥gī vōtphullalōcanā|
ēta dēva mayā''khyātaṁ sarvaṁ rāghava yadyathā||26||
sarvathā sāgarajalēsaṁtāraḥ pravidhīyatām||27||
tau jātāśvāsau rājaputrau viditvā
taccābhijñānaṁ rāghavāyapradāya|
dēvyā cākhyātaṁ sarvamēvānupūrvyā
dvācā saṁpūrṇaṁ vāyuputtraḥ śaśaṁsa||28||
ityārṣē śrīmadrāmāyaṇē ādikāvyē vālmīkīyē
caturviṁśat sahasrikāyāṁ saṁhitāyām
śrīmatsundarakāṇḍē paṁcaṣaṣṭitamassargaḥ||
|| Om tat sat ||